Vens Netanyahu ilə aralarında fikir ayrılığı olduğunu etiraf etdi

ABŞ-nin vitse-prezidenti Cey Di Vens İsrailin Baş naziri Binyamin Netanyahu ilə bəzi məsələlərdə fikir ayrılıqlarının olduğunu açıqlayıb.

Ens.az Oxu.az-a istinadən xəbər verir ki,  Cey Di Vens "Fox News" telekanalına müsahibəsində bildirib:

"İsrail ABŞ-nin müttəfiqi və çox yaxşı tərəfdaşıdır. Lakin Fransa, Böyük Britaniya və ya Birləşmiş Ştatların digər müttəfiqləri ilə münasibətlərdə olduğu kimi, bəzən bizim də fikirlərimiz üst-üstə düşmür".

O bildirib ki, ABŞ və İsrailin maraqları üst-üstə düşəndə ortaq məqsədlər naminə əməkdaşlıq edirlər. Lakin mövqeləri fərqli olduqda bunu açıq şəkildə müzakirə etdiklərini qeyd edib.

İranla olan münaqişənin həlli perspektivlərinə toxunan ABŞ rəsmisi bu böhranın sona çatmasına öz töhfəsini verməyə çalışdığını bildirib.