Vergilər nazirinin müavinləri İmişli və Ağsuda vətəndaşları qəbul edəcək

İyunun 14-də Vergilər nazirinin müavini Sahib Ələkbərov İmişli rayonunda yerləşən Vergiödəyicilərinə xidmət mərkəzində (ünvan: İmişli şəhəri, 20 Yanvar küçəsi) İmişli, Ağcabədi, Beyləqan, Xocavənd, Füzuli və Laçın rayonlarından olan vətəndaşları qəbul edəcək.

Vergilər Nazirliyinin Media və kommunikasiya mərkəzindən AZƏRTAC-a bildirilib ki, Vergilər nazirinin müavini Mətin Eynullayev isə həmin gün Ağsu rayonundakı Vergiödəyicilərinə xidmət mərkəzində (Ünvan: Ağsu şəhəri, M.Ə.Rəsulzadə küçəsi) Ağsu, Şamaxı və Qobustan rayonlarından olan vətəndaşları qəbul edəcək. Qəbula gəlmək istəyən vətəndaşlar iyunun 11-13-dək Beyləqan rayonunda 8 saylı Ərazi Vergilər İdarəsinə, Şamaxı rayonunda 4 saylı Ərazi Vergilər İdarəsinə, habelə İmişli, Ağcabədi, Ağsu və Qobustan rayon vergiödəyicilərinə xidmət mərkəzlərinə müraciət etməklə, eləcə də Vergilər Nazirliyinin 195-1 Çağrı mərkəzinə zəng etməklə və ya nazirliyin [email protected] elektron poçt ünvanına yazmaqla qeydiyyatdan keçə bilərlər.

Qeydiyyatdan keçmiş vətəndaşlardan xahiş olunur ki, qəbula gələrkən qaldırmaq istədikləri məsələləri dolğun ifadə edən ərizə ilə müraciət etsinlər.