Vilayət Eyvazov Gəncədə vətəndaş qəbulu keçirəcək

Vilayət Eyvazov Gəncədə vətəndaş qəbulu keçirəcək

Daxili İşlər naziri, general-polkovnik Vilayət Eyvazov iyulun 27-də Gəncə şəhərində vətəndaş qəbulu keçirəcək.

Daxili İşlər Nazirliyinin Mətbuat xidmətindən "Report"a verilən məlumata görə, qəbul Gəncə Şəhər Baş Polis İdarəsində baş tutacaq.

Nazir Gəncə, Göygöl, Samux, Kəlbəcər, Şəmkir, Ağstafa, Tovuz, Gədəbəy, Qazax, Daşkəsən şəhər və rayonlarının sakinlərini qəbul edəcək.

Vətəndaşlar daxili işlər orqanlarının əməkdaşlarının fəaliyyətinə və Nazirliyin səlahiyyətlərinə aid məsələlərlə bağlı müraciət etməklə qəbula yazıla bilərlər.

Qəbula gələnlər şəxsiyyət vəsiqəsini təqdim etməlidirlər.