Volodimir Zelenski İlham Əliyevə təşəkkür etdi - FOTO

Ukrayna Prezidenti Volodimir Zelenski ölkəsinin müstəqilliyinin 35-ci ildönümü münasibətilə səmimi təbriklərinə görə Azərbaycan Prezidenti İlham Əliyevə təşəkkür edib.

Ens.Az xəbər verir ki, bu barədə Ukrayna lideri sosial şəbəkə hesabında məlumat verib.

"Azərbaycanın Ukraynanın suverenliyinə və ərazi bütövlüyünə yönəlik mövqeyi daim qətiyyətli olub və buna görə də hər zaman yüksək dəyərləndirilib. Biz birlikdə sınaqlardan çıxmış iqtisadi tərəfdaşlığımızı daha da genişləndirir, enerji və təhlükəsizlik sektorlarında yeni yollar açır, zərurət yarandıqda isə bir-birimizə dəstək oluruq. İnanıram ki, Ukrayna ilə Azərbaycan arasındakı dostluq münasibətləri, qarşılıqlı ehtiram və strateji əməkdaşlıq gələcəkdə də güclənəcək", - deyə Ukrayna lideri bildirib.