Vüsal Hüseynovdan ölkədə olma müddətinin uzadılması ilə bağlı mühüm açıqlama
“Ölkədə olma müddətinin uzadılması məqsədilə müraciət edən şəxslər üçün dövlət rüsumları qanunvericiliklə müəyyən edilib”.
Ens.az xəbər verir ki, Oxu.Az-ın məlumatına görə, bunu Dövlət Miqrasiya Xidmətinin rəisi, III dərəcəli dövlət miqrasiya xidməti müşaviri Vüsal Hüseynov pandemiya dövründə Dövlət Miqrasiya Xidmətinin fəaliyyəti və ölkəmizdə olan əcnəbilərə göstərilən xidmətlərlə bağlı keçirdiyi mətbuat konfransında deyib.
O qeyd edib ki, müddətin uzadılması məqsədilə ödənilən rüsum bir ay üçün 30 manat, iki ay üçün 60 manat və yetkinlik yaşına çatmayanlar üçün 15 manat müəyyən edilib.
V.Hüseynov vurğulayıb ki, mayın 31-dək ölkədə olma müddətinin uzadılması ilə bağlı qərardan sonra həmin şəxslərdən ödəniş tələb olunmur.
Şərhlər
Şərhləri göstər Şərhləri gizlət