Yasamalda da Polis Günü ilə bağlı tədbir keçirildi

2 iyul Azərbaycan Polisi Günü ərəfəsində Yasamal rayon Polis İdarəsində tədbir keçirilib.

Ens.az Qafqazinfo.az-a istinadən xəbər verir ki,  tədbirdən öncə Yasamal RİH-in rəhbər heyəti və rayon polis idarəsinin şəxsi heyəti Ulu Öndər Heydər Əliyevin məzarını ziyarət etdilər.

Tədbirdə Yasamal Rayon İcra Hakimiyyətinin, Rayon Polis İdarəsinin rəhbərliyi və əməkdaşları iştirak ediblər.

Tədbirdə Dövlət himni səsləndirilib, Ümummilli lider Heydər Əliyevin və şəhidlərin əziz xatirəsi ehtiramla yad edilib.

Tədbiri rayon Polis İdarəsinin rəisi, polkovnik Cəmil Əmirov açaraq bildirib ki, Azərbaycan polisi yarandığı gündən xalqın və dövlətin mənafeyinə xidmət edir, ictimai asayişin mühafizəsi, sabitliyin qorunması, cinayətkarlığa qarşı mübarizə kimi məsuliyyətli vəzifələri peşəkarlıqla yerinə yetirir.

Tədbirdə çıxış edən Yasamal Rayon İcra Hakimiyyətinin başçısı Elşad Həsənov rayon Polis İdarəsinin rəhbərliyini və əməkdaşlarını təbrik edib. İcra başçısı bildirib ki,xalqımızın Ümummilli lideri Heydər Əliyevin 1998-ci ildə imzaladığı fərmanla iyulun 2-si Azərbaycan Polisi Günü elan olunub. Qeyd olunub ki, 1918-ci il iyulun 2-də Azərbaycan Xalq Cümhuriyyəti hökumətinin qərarı ilə təsis edilmiş polis orqanları uzun tarixi bir yol keçib. 90-cı illərin əvvələrində ölkədə xaos və hərc-mərclik baş qaldırdığı bir vaxtda yalnız Ulu Öndərin xalqın təkidi ilə hakimiyyətə qayıdışından sonra Azərbaycanda sabitlik bərpa olunub və qanunun aliliyi təmin edilib. Cəmiyyətdə sabitliyin təmin olunmasında DİN mühüm rol oynayıb.