Yaxın Şərqdəki gərginlik fonunda dünya bazarında NEFT BAHALAŞIR

Yaxın Şərqdəki gərginlik fonunda dünya bazarında NEFT BAHALAŞIR

Yaxın Şərqdə münaqişənin yenidən kəskinləşməsi fonunda qlobal bazarda neftin bahalaşması müşahidə olunur.

Ens.az Oxu.az-a istinadən xəbər verir ki, bu barədə "İnterfaks" agentliyi məlumat yayıb.

Bakı vaxtı ilə saat 09:20-də Londonun ICE birjasında avqust ayına çatdırılma ilə "Brent" markalı neftin füçersləri 0.91 dollar (0.98%) bahalaşaraq bir barel üçün 94.01 dollar olub. Əvvəlki sessiyada isə "Brent" markalı neft 1.65 dollar (1.8%) bahalaşaraq bir barel üçün 93.1 dollar təşkil etmişdi.

Nyu-York Ticarət Birjasında (NYMEX) iyul ayına çatdırılma ilə WTI markalı xam neftin füçerslərinin qiyməti 1.08 dollar (1.2%) artaraq bir barel üçün 91.11 dollar olub. Əvvəlki sessiyada WTI markalı xam neft 1.83 dollar (2.07%) bahalaşaraq bir barel üçün 90.03 dollara satılmışdı.