Yekaterinburqda məşhur logistika obyekti PUA-larla vuruldu

Yekaterinburqda yerləşən "Wildberries" logistika obyektində PUA hücumu nəticəsində yanğın qeydə alınıb.

Ens.az Oxu.az-a istinadən xəbər verir ki, bu barədə məlumatı "Wildberries" və "Russ" (RWB) birləşmiş şirkətinin mətbuat xidməti yayıb.

"Sverdlovsk vilayətinin Yekaterinburq şəhərindəki logistika obyektində yanğınsöndürənlər çalışır, hücumdan sonra yanğın yaranıb", - deyə məlumatda vurğulanır. Bildirilir ki, obyektdə vaxtında təxliyə tədbirləri həyata keçirilib.

RWB-dən verilən məlumata görə, cari yüklərin qəbulu müvəqqəti olaraq məhdudlaşdırılıb və həmin mallar şirkətin digər mərkəzlərinə istiqamətləndirilib.