Zaxarovadan Ermənistana xəbərdarlıq: “İrəvan KTMT qarşısındakı öhdəliklərini pozarsa... ” - VİDEO

“Sənədlərə əsasən Ermənistan Kollektiv Təhlükəsizlik Müqaviləsi Təşkilatının (KTMT) tamhüquqlu üzvü olaraq qalır”.

Ens.Az-ın məlumatına əsasən,bunu Rusiya Xarici İşlər Nazirliyinin xüsusi nümayəndəsi Mariya Zaxarova ənənəvi brifinq zamanı Baku TV-nin sualını cavablandırarkən bildirib.

O xatırladıb ki, İrəvan təşkilat qarşısında müəyyən öhdəliklər daşıyır. Bu öhdəliklərə əsasən, KTMT üzvü öz ərazisində üçüncü ölkələrin hərbi birləşmələrini yerləşdirməzdən öncə bu addımı digər üzv ölkələrlə razılaşdırmalıdır.

“Bu öhdəliklər pozulduqda onları pozan ölkənin təşkilatdakı üzvlüyü dayandırıla və ya birdəfəlik kənarlaşdırıla bilər”, - Zaxarova qeyd edib.