Zelenski Trampla görüşün nəticəsiz qalmasından sonra yeni sülh təkliflərini AÇIQLADI

"Ağ Evdə ABŞ Prezidenti Donald Tramp ilə görüş gözlənildiyi kimi keçmədi".

Ens.az Oxu.az-a istinadən xəbər verir ki,bunu Ukrayna Prezidenti Volodimir Zelenski "X" sosial şəbəkə hesabında yazıb.

"Heyf ki, belə oldu. Hər şeyi düzgün etməyin vaxtı çatıb. Biz gələcəkdə əməkdaşlığın və ünsiyyətin konstruktiv olmasını istəyirik" , - deyə o bildirib.

Bununla yanaşı, V. Zelenski Ukraynanın minerallar və təhlükəsizlik mövzusunda sazişi istənilən vaxt imzalamağa hazır olduğunu vurğulayıb:

"Ukrayna sülhə can atır. Bizdən heç kəs sonsuz müharibə istəmir. Müharibənin sona çatması prosesində ilk mərhələlər əsirlərin azad edilməsi, dənizdə və səmada atəşkəs ola bilər, bu da raketlərin, uzaqmənzilli dronların istifadəsinin, enerji və mülki infrastruktura zərbələrin qadağan edilməsini nəzərdə tutur".