Zelenskinin “Qələbə planı”na NATO-dan - Cavab

NATO-nun baş katibi Mark Rutte Ukrayna Prezidenti Volodimir Zelenskinin təqdim etdiyi “Qələbə planı”nını şərh edib.

“Qafqazinfo” xarici mətbuata istinadən xəbər verir ki, o, bu barədə Brüsseldə keçirdiyi mətbuat konfransında danışıb.

“Bu, təbii ki, Ukraynanın qələbə planıdır və biz bunu müzakirə edəcəyik. Burada dərindən araşdırmalı olacağımız çoxlu məqamlar var. Mən planın hər bir elementini şərh etməyəcəyəm. Lakin, bu, Zelenski və komandasının bu planı hazırladıqlarına və hazırda həyata keçirdiklərinə dair güclü siqnaldır”, - Rutte qeyd edib.

Eyni zamanda, NATO-nun baş katibi bildirib ki, bu, onun bütün planı dəstəklədiyi anlamına gəlmir. Onun sözlərinə görə, bu planın bir çox aspektləri və bir çox siyasi və hərbi məsələləri var ki, onların arxasında nə olduğunu anlamaq, nəyi edə və nəyi edə bilməyəcəklərini anlamaq üçün Ukrayna ilə müzakirə aparmaq lazımdır.

Həmçinin Mark Rutte deyib ki, Ukrayna Şimali Atlantika Alyansına üzv olacaq, lakin o, vaxtla bağlı fikr irəli sürməyib. 

“Ukrayna, əlbəttə, vaxtı gələndə alyansa qoşulacaq, lakin bunun dəqiq tarixini deyə bilmərəm”, - Rutte əlavə edib.