Zurabişvili seçkilərin nəticələrini tanımadı

Gürcüstan Prezidenti Salome Zurabişvili vətəndaşları bazar ertəsi Tbilisidə parlament binası qarşısında parlament seçkilərinin nəticələrinə etiraz etməyə səsləyib.

Ens.az Qafqazinfo.az-a istinadən xəbər verir ki,  bu haqda “Sputnik Georgia” məlumat yayıb.

Brifinqdə çıxış edən S.Zurabişvili aksiyanın dinc xarakter daşıyacağını bildirib.

“Sabah axşam saat 7-də (Bakı vaxtı ilə saat 19:00-red) hamınızı Rustaveli prospektinə dəvət etmək istəyirəm ki, biz birlikdə dünyaya və özümüzə bu seçkiləri tanımadığımızı bəyan edək”.

Zurabişvili seçkilərin nəticələrini tanımadığını da bəyan edib.