Aleksandr Jukov: Seçkilərlə bağlı heç bir qanun pozuntusu müşahidə etmədim

Aleksandr Jukov: Seçkilərlə bağlı heç bir qanun pozuntusu müşahidə etmədim

Sentyabrın 1-də Milli Məclisə seçkilərdə 24 saylı Nizami birinci seçki dairəsinin 11 saylı seçki məntəqəsində səhər saatlarından müşahidə olunan seçici fəallığı davam edir.

Ens.az AZƏRTAC -a istinadən xəbər verir ki,məntəqəyə gələn seçicilər öz namizədlərinə sərbəst şəkildə səs verirlər.

Məntəqə seçki komissiyasının sədri Mətanət Cabbarlı bildirib ki, məntəqə üzrə 1261 seçici var. Seçki məntəqəsinin üzvləri seçkilərlə bağlı zəruri təlimatları alıblar.

MDB Seçki Müşahidə Şurasının üzvü, beynəlxalq müşahidəçi Aleksandr Jukov AZƏRTAC- a müsahibəsində deyib ki, seçki prosesi normal keçir. Vətəndaşlar sərbəst istədikləri namizədə səs verirlər. Heç bir qanun pozuntusu müşahidə etmədim. Seçki çox yaxşı təşkil edilib. Komissiya üzvləri öz işlərinə böyük məsuliyyətlə yanaşırlar.