Amerika qitəsində COVID-19-a yoluxma hallarının sayı Avropanı ötdü
Dünyada koronavirusa yoluxanların sayı 4 170 424 nəfərə çatıb.
Ens.az Report.az-a istinadən xəbər verir ki,bu barədə Ümumdünya Səhiyyə Təşkilatı (ÜST) bildirib.
Təşkilatın məlumatına görə, son bir gün ərzində dünyada koronavirusa daha 81 577 yoluxma qeydə alınıb, COVID-19-dan ölənlərin sayı 287 399 nəfərdir. Son bir gün COVID-19-dan ölənlərin sayı daha 4 245 nəfər artıb.
Dünyada koronavirusa ən çox yoluxma ilk dəfə Amerika qitəsində qeydə alınıb.
Köhnə qitədə yeni virus 1 780 316 nəfərdə aşkarlansa da, Amerika qitəsində bu rəqəm 1 781 564 nəfər təşkil edib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.
Şərhlər
Şərhləri göstər Şərhləri gizlət