Angela Merkel Gürcüstana rəsmi səfərə gəldi
Almaniya kansleri Angela Merkelin Gürcüstana rəsmi səfəri başlayıb.
Oxu.Az xəbər verir ki, Almaniya hökumətinin başçısını gətirən təyyarə Tbilisi Beynəlxalq hava limanına nəzərdə tutulandan 15 dəqiqə tez enib.
Hava limanında Merkel Gürcüstanın baş naziri Mamuka Baxtadze ilə görüşə yollanıb.
Danışıqların yekunu olaraq Merkel və Baxtadze mətbuat üçün birgə bəyanatla çıxış edəcəklər.
Daha sonra Almaniya kansleri Gürcüstan prezidenti Georgi Marqvelaşvili ilə görüşəcək.
Xatırladaq ki, Qafqaz turnesi çərçivəsində Merkel həmçinin Yerevan və Bakıya da səfər edəcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət