![Azərbaycan əhalisinin banklarda nə qədər pulu var?](https://ens.az/images/news/5308d3f83f4c60042b86d61e896ec30a.jpg)
Azərbaycan əhalisinin banklarda nə qədər pulu var?
2019-cu il may ayının 1-nə əhalinin banklardakı əmanətlərinin milli valyuta ekvivalentində məbləği əvvəlki ilin eyni dövrü ilə müqayisədə 10,6 faiz artaraq 8 milyard 715,0 milyon manat təşkil edib.
Trend-in məlumatına görə, əmanətlərin 58,5 faizi xarici, 41,5 faizi isə milli valyutada qoyulub. Milli valyutada olan əmanətlər ötən ilin müvafiq dövrünə nisbətən 25,4 faiz, xarici valyutada əmanətlər isə 2,0 faiz artıb.
2019-cu il may ayının 1-nə ölkənin bank və digər kredit təşkilatlarının kredit portfeli milli valyuta ekvivalentində 13 milyard 011,4 milyon manat təşkil edib, onun 10 milyard 405,8 milyon manatı uzunmüddətli kreditlər olub. Ödəmə vaxtı keçmiş kreditlərin məbləği ümumi kredit portfelinin 11,6 faizini təşkil edib.
Şərhlər
Şərhləri göstər Şərhləri gizlət