Azərbaycanda quru süd istehsal edən daha bir zavod yaradılacaq

Azərbaycanda quru süd istehsal edən daha bir zavod yaradılacaq

Bakı şəhərinin Pirallahı rayonunda quru süd istehsal edən zavod tikiləcək. İqtisadiyyat Nazirliyi yanında Sahibkarlığın İnkişafı Fondu bu layihə üçün güzəştli kredit ayırıb.

İqtisadiyyat Nazirliyinin məlumatına görə, sentyabrın 24-də Pirallahı rayonunda keçirilən işgüzar forumda sahibkarlara ümumilikdə 2,6 milyon manat kredit verilib. Onların arasında quru süd istehsal edən zavodun tikintisi layihəsi də var. Şirkət və zavodun tikintisi və avadanlıqların alınması üçün investisiya həcmi barədə məlumat verilmir.

Azərbaycanda ilk quru süd istehsalçısı "SƏBA" ASC-dir. Quru süd məhsulunu şirkətin törəmə müəssisəsi "Biləsuvar Aqro" MMC istehsal edir.

Mənbə: Fins.az