![“Azəriqaz”: Magistral qaz kəməri zədələnib, 4 rayonun qaz təminatında fasilə yaranacaq](https://ens.az/images/news/6b0746f6329f19debd714a2f448251f3.jpg)
“Azəriqaz”: Magistral qaz kəməri zədələnib, 4 rayonun qaz təminatında fasilə yaranacaq
Bu gün yol tikintisi ilə məşğul olan podratçı təşkilat tikinti işləri icra edərkən "Qaz İxrac" İdarəsinin balansında olan "Xaldan-Balakən" yüksək təzyiqli magistral qaz kəmərinin Şəki rayonu, Dəhnə kəndindən keçən hissəsini zədələyib.
“Azəriqaz” İstehsalat Birliyindən APA-ya verilən məlumata görə, təcili tədbirlər görülərək kəmərdə təzyiq dərhal aşağı endirilib və qaz xəttinin 29-59-cu km-ləri arasında qəzanın ləğv edilməsi məqsədilə saat 15:20-də qaz təchizatı dayandırılıb.
Yaxın 1-2 saat ərzində borudan qaz qəbulu davam edəcək, lakin sonradan təzyiq aşağı düşdükcə Şəki, Qax, Zaqatala, Balakən rayonlarının qaz təminatında fasilə yaranacaq. Bütün yerli icra hakimiyyətləri baş verənlər barədə ətraflı məlumatlandırılıb.
Şərhlər
Şərhləri göstər Şərhləri gizlət