Bakı əhalisi pulu ən çox nəyə xərcləyir?

Bakı əhalisi pulu ən çox nəyə xərcləyir?

2019-cu ilin yanvar-iyun aylarında Bakıda ticarət dövriyyəsinin həcmi 2018-ci ilin yanvar-iyun ayları ilə müqayisədə 3,0 faiz artaraq 9 milyard 987,0 milyon manat olub.

Axar.az xəbər verir ki, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 3,1 faiz artaraq 4 milyard 617,5 milyon manata, qeyri-ərzaq məhsullarının həcmi isə 3,0 faiz artaraq 5 milyard 369,5 milyon manata bərabər olub.

İstehlak məhsullarının 27,1 faizi hüquqi şəxs statuslu müəssisələrdə, 47,4 faizi fərdi sahibkarlara məxsus ticarət obyektlərində, 25,5 faizi isə paytaxtın məhsul bazarlarında satılıb.