Bayden: "ABŞ ordusu Tayvana yeridilə bilər"

ABŞ Prezidenti Co Bayden Çinin işğalı halında Tayvana kömək etmək üçün ABŞ ordusunun cəlb edilməsinin mümkünlüyündən danışıb.

Ens.az Oxu.az-a istinadən xəbər verir ki, Bayden bu barədə "Time" nəşrinə verdiyi müsahibəsində deyib.

"Mən ABŞ hərbi qüvvələrinin istifadəsini istisna etmirəm. Quruda, hava qüvvələrinin, dəniz qüvvələrinin yerləşdirilməsi arasında fərqlər var", - deyə o, Çinin işğalı halında ABŞ-nin Tayvanda ABŞ qoşunlarını yerləşdirə biləcəyi ilə bağlı suala cavab verib.

Eyni zamanda, Bayden ABŞ-nin Filippin və Yaponiyadakı bazalarından zərbələr endirmək üçün istifadə edə biləcəyinə dair suala cavab verməkdən imtina edib.