Biləsuvarda minik avtomobillərinin toqquşması nəticəsində iki nəfər yaralanıb

Biləsuvar rayonunda iki nəfərin xəsarət alması ilə nəticələnən yol qəzası baş verib.

“Report.az”un Muğan bürosunun məlumatına görə, hadisə Bəhrəmtəpə-Biləsuvar avtomobil yolunun rayonun Səmədabad kəndindən keçən hissəsində qeydə alınıb.

Belə ki, iki minik avtomobilinin toqquşması nəticəsində İmişli rayon sakinləri, 1983-cü il təvəllüdlü Elnur Qəhrəmanov və 1986-ci il təvəllüdlü Elçin Kərimov müxtəlif bədən xəsarətləri alıb.

Yaralılar Biləsuvar Rayon Mərkəzi Xəstəxanasına çatdırılıb. Faktla bağlı araşdırma aparılır.