Bir həftə əvvəl şəhid olan hərbçimizin əkiz qızları dünyaya gəldi

Azərbaycan Ordusunun antiterror tədbirləri zamanı şəhid olan hərbçimiz Səbuhi Əliyevin əkiz qızları dünyaya gəlib.

Ens.az Oxu.az-a istinadən xəbər verir ki, bu barədə sosial şəbəkələrdə məlumat yayılıb.

Bildirilir ki, şəhidimiz onlara Nərgiz və Nazlı adlarının qoyulmasını istəyirdi. Bununla şəhidimizin özündən sonra 4 övladı yadigar qalıb.

Qeyd edək ki, Səbuhi Əliyev 44 günlük Vətən müharibəsində göstərdiyi qəhrəmanlığa görə “Cəsur döyüşçü” medalı ilə təltif olunub və bir həftə öncə Azərbaycanın Qarabağ bölgəsində lokal xarakterli antiterror tədbirləri zamanı şəhidlik zirvəsinə ucalıb.