BMT xəbərdarlıq etdi: “Koronavirusu nəzarətə alsaq da, bu, baş verəcək”
Yaxın adamların və iş yerlərinin itirilməsi, karantin, məhdudiyyətlər, gələcək üçün narahatlıq kimi səbəblər psixoloji sağlamlığa təsir edə bilər.
“HaberGlobal”ın məlumatına görə, bununla bağlı BMT-nin Baş katibi Antonio Quterreş xəbərdarlıq edib.
O, epidemiyanın stressi artırdığını və xüsusilə, COVID-19-la mübarizədə ön cəbhədə olan tibb işçilərinə, yaşlılara, sağlamlıq problemləri olanlara, böhran və müharibə bölgələrində yaşayanlara daha çox təsir etdiyini bildirib.
Baş katib pandemiya hətta nəzarətə alındıqdan sonra belə insanların əzab çəkəcəyi və depressiya keçirəcəklərindən narahatlığını dilə gətirib.
Buna görə Quterreş epidemiya ilə mübarizədə psixoloji sağlamlıq xidmətlərini artırmağa və maliyyələşdirməyə çağırıb.
Şərhlər
Şərhləri göstər Şərhləri gizlət