Bu kənddə doğulan hər qız uşağına görə 111 ağac əkilir

Bu kənddə doğulan hər qız uşağına görə 111 ağac əkilir

Bu kənddə doğulan hər qız uşağına görə 111 ağac əkilir. 

 

Cəmiyyətdə uşağın dünyaya gəlməsini hərə bir cür qeyd edir. Ancaq cəmiyyətdə oğlan uşağına nisbətən, qız uşağının dünyaya gəlməsi bir çox hallarda narazılıqla qarşılanır. Moderator.az xəbər verir ki, Hindistanın bir kəndində isə hər doğulan qız uşağına görə 111 ədəd ağac əkilir. Bu isə qız uşaqlarına qarşı olan mənfi münasibətə bir jestdir. 

 

Bu adət Rajastan əyalətində Piplantri kəndində həyata keçirilir. İndiyə kimi 8 min ailə hər doğulan qız uşağına görə 111, hər ölən qız uşağına görə isə 11 ağac əkib. Bu addım kənddə qadınlara qarşı olan münasibətin dəyişməsinə də səbəb olub.  Valideynlər deyir ki, ağaclara qulluq etmək, qızlarına qulluq etmək qədər zövqlüdür. 

 

Tarix boyu Hindistanda bir qız uşağının dünyaya gəlməsi ailə üçün həmişə ağır yük olub. Qızları köçürmək üçün xeyli sayda cehiz almaq lazım idi. Ona görə də qızlara oğlanlara nisbətən daha az dəyər verilir, onlar təhsil almadan erkən ərə yaşda verilirdi. Ağacəkmə kampaniyası isə gənc yaşlarında qızı ölən bir sakinin ideyası əsasında həyata keçirilib.  

 

 

Vasif Əlihüseyn