![Bu şəxslərə yardım verilə bilər](https://ens.az/images/news/7638e9287dbcdbf0ca3fa461102466cb.png)
Bu şəxslərə yardım verilə bilər
Deputatlar koronvirus pandemiyası ilə əlaqədar olaraq respublikada ciddi karantin rejimin tətbiq olunması ilə bağlı işləməyən insanlara müəyyən vəsaitin verilməsini təklif ediblər. “Ölkə.Az” xəbər verir ki, bu məsələ Milli Məclisin İqtisadi siyasət, sənaye və sahibkarlıq komitəsinin onlayın iclasında müzakirə aparılıb. İclasda çıxış edən deputatlar bildiriblər ki, koronavirus pandemiyası müddətində işlərin dayandırıldığından hökumət muzdla iləyən, o cümlədən əhalinin həssas sosial təbəqəsinə yardımlar verəcək və bununla bağlı xüsusi qərarlar qəbul edilib. Lakin bu heç də bütün işləməyən təbəqəni əhatə etmir. Ona görə də deputatlar hesab edir ki, müqaviləsi olmayan və müqaviləsiz, qeyri-rəsmi günəmuzd işləyən şəxslər bu yardımdan kənarda qalıblar. Deputat Vahid Əhmədov “Ölkə.Az”a açıalamasında deyib ki, bu məsələ də öz həllini tapmalıdır: “Əmək və Əhalinin Sosial Müdafiəsi naziri bununla bağlı təkliflərini hələ açıqlamayıb. Bizə ən çox şikayətlər işləməyən, yaxud günəmuzd çalışan insanlardan gəlir. Yəqin ki, nazirlik təkliflər paketində həmin şəxsləri də nəzərə alacaq”.
Şərhlər
Şərhləri göstər Şərhləri gizlət