Ceyhun Nəbi - Üsyankar Gəncə
1920 Gəncə üsyana şahidlik edir,
Millət ayaqda, hər tərəf qan,
Əllər yumruq, hər köşədə silah səsləri,
Anaların fəryadı, körpələrin ağlaşması.
Şəhər təslim olmur,
Samuxdan Məmmədqasım, Şəmkirdən Ramazanoğulları köməyə gəlir.
"Allahu-əkbər" deyərək düşmən silahları üzərinə yürüyən insanlar bir-bir şəhid olur.
Quşqara çayı, Qanlı Qobu,
Ozan məscidi, Şah Abbas şahiddirlər bütün bunlara.
Düşmən silahları çoxdur, bizim təslim olmaq istəyimiz yoxdur.
Istiqlalı dadmış bir millət işğalçılara yox deyir.
Sarı Ələkbər öz dəstəsi ilə,
Cavad paşa öz ordusu ilə,
Cəbhə-cəbhə gəzirlər,
Cəsədlərlə müqqədəs Gəncəyə sipər düzəldirlər.
Gəncənin son duası bağımsızlıq eşqinə oldu,
Üsyandan sonra üsyançıların bir çoxu Gəncəyə həsrət oldu.
Azərbaycan bir gün bağımsız oldu, tarixdə birdə həqiqətdə bu oldu ki, üsyan Gəncə üçün ən kutsal yoldur.
Şərhlər
Şərhləri göstər Şərhləri gizlət