Çin ABŞ-la yeni ticarət məsləhətləşmələrindən imtina edib

ABŞ-ın Çin məhsullarına əlavə rüsumlar tətbiq etmək barədə qərarından sonra Pekin Vaşinqtonla yeni ticarət məsləhətləşmələrindən imtina edib.

AZƏRTAC xarici KİV-lərə istinadla xəbər verir ki, ÇXR Dövlət Şurasının vitse-prezidenti Lü He gələn həftə nümayəndə heyəti ilə Birləşmiş Ştatlara getməyə hazırlaşsa da, sonradan səfər ləğv edilib.

Dünyanın ən böyük iki iqtisadiyyatı arasında gərginliyin azaldılmasına yönələn danışıqlara nəzarət ABŞ-ın maliyyə naziri Stiven Mnuçinə həvalə olunub.

Xatırladaq ki, sentyabrın 18-də ABŞ Prezidenti Donald Tramp Çindən idxal olunan 200 milyard dollarlıq məhsullara 10 faizlik yeni rüsumlar tətbiq ediləcəyini bildirib. Qərar sentyabrın 24-dən qüvvəyə minməlidir. Yanvarın 1-dən isə tariflərin 25 faizədək artırılması nəzərdə tutulur. Pekinin cavab tədbirləri görəcəyi təqdirdə Donald Tramp rüsumların üçüncü mərhələsinin də tətbiq olunacağını istisna etmir.