Çində keçmiş məmura 12 il həbs cəzası verilib
Çin Kommunist Partiyasının Mərkəzi Komitəsinin intizam komissiyasının sabiq üzvü Can Huavey korrupsiya əməllərinə görə məhkəmənin qərarı ilə 12 il müddətinə azadlıqdan məhrum edilib.
AZƏRTAC xəbər verir ki, Pekin şəhər məhkəməsində keçmiş məmur haqqında aparılan prosesdə onun 2006-2014-cü illərdə müxtəlif vəzifələrdə çalışarkən 32,85 milyon yuan (təxminən 4,76 milyon ABŞ dolları) rüşvət aldığı sübuta yetirilib. Bundan başqa, 2 milyon yuan cərimə ediləcək Can Huaveyin qanunsuz yolla əldə etdiyi əmlakı da müsadirə olunacaq.
Sabiq məmur məhkəmədə yekun sözündə qərarla razılaşdığını, apelyasiya şikayəti verməyəcəyini bildirib.
Şərhlər
Şərhləri göstər Şərhləri gizlət