Cozep Borrell Azərbaycan və Ermənistanda toqquşmlarla bağlı bəyanat yayıb

Cozep Borrell Azərbaycan və Ermənistanda toqquşmlarla bağlı bəyanat yayıb

Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozep Borrell Azərbaycan Ermənistan arasındakı gərginliklə bağlı bəyanat yayıb.

Ens.az Apa.az-a istinadən xəbər verir ki, Aİ-nin Ali Nümayəndəsi tərəfləri atəşkəsə əməl etməyə çağırıb.

"Sentyabrın 27-də Dağlıq Qarabağ münaqişə zonasındakı təmas xətti boyunca təəssüf ki, hərbi və mülki itkilərə səbəb olan döyüş başlayıb. Avropa İttifaqı hərbi əməliyyatların dərhal dayandırılmasına, de-eskalasiyaya və atəşkəsə ciddi əməl edilməsinə çağırış edir.

Təcili olaraq ATƏT-in Minsk Qrupu həmsədrlərinin himayəsi altında, ilkin şərtlər olmadan Dağlıq Qarabağ münaqişəsinin nizamlanması üzrə danışıqlara qayıtmaq lazımdır", - deyə Aİ Nümayəndəsi bəyanatında bildirib.