Danışıqlar yalnız bizim şərtimizlə aparılacaq – Lavrov

Rusiya Ukrayna ərazisindəki vəziyyətin nizamlanması üçün danışıqlardan imtina etmir.

Axar.az xəbər verir ki, bunu Rusiyanın xarici işlər naziri Sergey Lavrov türkiyəli həmkarı Mövlud Çavuşoğlu ilə birgə mətbuat konfransı zamanı deyib.

“Həm prezident, həm də Rusiya nümayəndə heyəti dəfələrlə bildiriblər ki, biz danışıqlardan imtina etmirik. Lakin danışıqlar yalnız bizim qeyd etdiyimiz əsasda, Rusiyanın maraqları və qanuni narahatlıqlarının nəzərə alınması əsasında aparıla bilər”, - diplomat bildirib.