Dərman və tibb vasitələrinin dövlət qeydiyyatı haqqında vəsiqə 5 il etibarlı sayılacaq

Dərman və tibb vasitələrinin dövlət qeydiyyatı haqqında vəsiqə 5 il etibarlı sayılacaq.

"Ens.az" “Report”a istinadla  xəbər verir ki, bununla bağlı "Dərman vasitələri haqqında" qanuna dəyişiklik edilir.

Yeni bəndə əsasən, dərman və tibb vasitələrinin, habelə dərman maddələrinin dövlət qeydiyyatı haqqında vəsiqə 5 (beş) il müddətində qüvvədə olacaq.

Dövlət qeydiyyatının qüvvədə olduğu müddət ərzində ölkə daxilində dövriyyəyə buraxılmış dərman vasitələrinin dövlət qeydiyyatının qüvvədəolma müddəti bitdikdən sonra onun son istifadə tarixi bitənədək satışına və istifadəsinə yol veriləcək.