![Dövlət təhsil müəssisələrinin fəaliyyəti üçün lisenziya tələb olunmayacaq](https://ens.az/images/news/a64dfe1322892139b720b23b9fc557e0.jpg)
Dövlət təhsil müəssisələrinin fəaliyyəti üçün lisenziya tələb olunmayacaq
Milli Məclisin bu gün keçirilən iclasında “Dövlət rüsumu haqqında”, “Dövlət qulluğu haqqında”, “Peşə təhsili haqqında”, “Ümumi təhsil haqqında” və “Məktəbəqədər təhsil haqqında” Azərbaycan Respublikasının qanunlarında dəyişiklik edilməsi barədə məsələ müzakirəyə çıxarılıb.
Ens.az APA-ya istinadən xəbər verir ki, dəyişiklik “Təhsil haqqında” və “Lisenziyalar və icazələr haqqında” Azərbaycan Respublikasının qanunlarında dəyişiklik edilməsi haqqında” 2020-ci il 24 aprel tarixli 58-VIQD nömrəli Qanunun icrası ilə əlaqədar hazırlanıb.
Həmin qanuna əsasən, Azərbaycan Respublikasında dövlət təhsil müəssisələrinin fəaliyyəti üçün lisenziya tələbi aradan qaldırılıb.
Bununla əlaqədar “Dövlət rüsumu haqqında”, “Dövlət qulluğu haqqında”, “Peşə təhsili haqqında”, “Ümumi təhsil haqqında” və “Məktəbəqədər təhsil haqqında” qanuna uyğunlaşdırma xarakterli düzəliş təklif edilir.
Qanun layihəsi səsə qoyularaq qəbul edilib.
Şərhlər
Şərhləri göstər Şərhləri gizlət