Haqsız rəqabətlə bağlı 37 araşdırma aparılıb, 23 işə xitam verilib - RƏSMİ

2026-cı ilin yanvar-iyul aylarında haqsız rəqabətin qarşısının alınması istiqamətində 37 araşdırma aparılıb.

Ens.Az xəbər verir ki, bu barədə Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin "Haqsız rəqabət sahəsində tənzimləmələr və təbii inhisar sahəsində dövlət nəzarəti" mövzusunda media nümayəndələri üçün keçirilən maarifləndirmə tədbirində agentliyin şöbə müdiri Şahin Nağıyev məlumat verilib.

Bildirilib ki, aparılan araşdırmalardan 25-i əmtəə nişanından qanunsuz istifadə etməklə haqsız rəqabətə yol vermə, 12-si isə digər haqsız rəqabət halları üzrə olub.

Qeyd edilib ki, araşdırmalar nəticəsində 23 işə xitam verilib. Xitam verilmiş işlərdən 18-i əmtəə nişanından qanunsuz istifadə etməklə haqsız rəqabətə yol vermə, 5-i isə digər haqsız rəqabət halları üzrə olub.

Həmçinin 14 subyektin pozuntunun könüllü olaraq aradan qaldırdığı bildirilib.