İsveçrə və Çin yenilənmiş ticarət sazişi üzrə danışıqları başa çatdırıb

İsveçrə və Çin İsveçrə mallarının Çin bazarına çıxışını genişləndirəcək yenilənmiş azad ticarət sazişi üzrə danışıqları başa çatdırıb.

"Report" "Reuters" agentliyinə istinadən xəbər verir ki, bu barədə İsveçrə rəsmiləri bildiriblər.

İsveçrə Prezidenti Gi Parmelen və Çinin ticarət naziri Van Ventao Berndəki görüşdən sonra danışıqların başa çatdığını elan ediblər.

Yeni sazişə əsasən, İsveçrə ixracının 99,8%-i Çin bazarına rüsumsuz daxil ola biləcək. Bu, güzəştli rejimin İsveçrə tədarüklərinin təqribən yarısına şamil edildiyi qüvvədə olan şərtləri əhəmiyyətli dərəcədə genişləndirir.