'Keşlə' Azərbaycan millisinin hücumçusunu heyətinə qatıb

"Keşlə" klubu heyətini yeni futbolçu ilə gücləndirib. 

Klubun Mətbuat xidmətindən "Report"a verilən məlumata görə, paytaxt təmsilçisi Azərbaycan millisinin futbolçusu Ruslan Qurbanovu heyətinə qatıb. 28 yaşlı hücumçu ilə 1+1 illik müqavilə imzalanıb. 

Qeyd edək ki, Ruslan Qurbanov 2018-2019 mövsümündə "Səbail"də çıxış edib. O, komanda ilə birlikdə Azərbaycan Premyer Liqasında bürünc medal qazanıb.