Kim Çen əməliyyat olunmayıb? – Seuldan şok iddia
Cənubi Koreya Prezident Administrasiyası KİV-də Şimali Koreya lideri Kim Çen İnin cərrahi əməliyyat keçirməsi ilə bağlı məlumatları şayiə hesab edir.
Axar.az xəbər verir ki, bu barədə “Yonhap” agentliyi cənubi koreyalı yüksək çinli məmura istinadla məlumat yayıb.
“Kim Çen İnin səhhətindəki dəyişiklikləri sübut etmək üçün mətbuatda əməliyyatın keçirilməsi ilə bağlı spekulyasiyalar aparıldı. Bu şayiələrə Seulda inanmırlar”, - mənbə bildirib.
Qeyd edək ki, dünya mətbuatı bir müddətdir Şimali Koreya lideri Kim Çen İnin ağır ürək əməliyyatı keçirdiyini və vəziyyətinin ağır olduğunu yazırdı. Hətta onun öldüyü barədə də məlumatlar yayılmışdı.
Kim Çen İn 30 aprel tarixində Sunçxon şəhərində gübrə zavodunun açılışında iştirak etməklə bütün iddialara son qoydu.
Şərhlər
Şərhləri göstər Şərhləri gizlət