Latviyada yol hərəkəti haqqında yeni qanun qüvvəyə minib

Mayın 23-də Latviyada yol hərəkəti haqqında yeni qanun qüvvəyə minib.

AZƏRTAC xəbər verir ki, bu gündən etibarən avtomobil idarə edən şəxslərin sürücülük və qeydiyyat vəsiqələrini özləri ilə daşımasına ehtiyac olmayacaq. Yol Hərəkəti Təhlükəsizliyi İdarəsinin rəsmi məlumatında bildirilir ki, sürücünün özü ilə şəxsiyyətini təsdiq edən sənədi daşıması kifayətdir. Digər sənədlərin olmamasına görə tətbiq olunan cərimələr də qüvvədən düşmüş hesab ediləcək.

Eyni qayda xarici vətəndaşlara tətbiq olunmayacaq. Onlar beynəlxalq normativlərə cavab verən sürücülük vəsiqələrini özləri ilə gəzdirməlidirlər.