Mirkazim Nikbin - Nə üzlə biz gedirik imamətin ayağına

Hüseynə ağlayanlar aşurada bilməlidi,
Nə üçün Kərbəlaya gedib insan sorağına?.
Gözlərində yaş deyil, əllində daş gəlməlidi,
Məzluma zülm eyləyən zalımların qabağına.

İmama təqlid edib, onun yolunu gedənlər,
Əhli beyt aşiqiyəm deyərək fəryad edənlər,
Dinində ayrım edib məzhəbdə maraq güdənlər,
Od vurur qanla sönən şeytanların ocağına.

Ya Hüseyn şəhid ağam dur bax ümmətin halına,
Nə halda müsalmanıq, necə baxaq camalına,
Məbudu bir olanlar haram qatıbdır malına,
Beləcə tuş olmuşuq kafirlərin qınağına.

Baxıb dərs almaqdansa nədəsə yas saxlamışıq,
Qurandan uzaq durub xurafata adlamışıq,
Həm Əli, Həm Hüseyn həm Həsəni yadlamışıq,
Nə üzlə biz gedirik imamətin ayağına.

Ey rəsul, ya Məhəmməd salam olsun xilqətinə,
Bənzəsin qeyrətimiz Hüseyninin qeyrətinə,
Səs salıb çatdırıram möminlərin diqqətinə,
Əl tutub dəstək olaq islamın sülh bayrağına.