Mirkazim Nikbin - Varmı?

Mirkazim Nikbin - Varmı?

Varmı etibarın, varmı gümanın,
Xoşbəxt gələcəyə, xoşbəxt həyata?!
Varmı istedadın, varmı imkanın,
Sevinc bəxş etməkçün bu kainata.

Varsada qəlbində arzun, istəyin,
Onlara çatmaqçün vuruşmaq gərək,
Varsada həyatda arxan köməyin,
Onda çətinlikdən qorxmasın ürək.

Varsada dünyada asin düşmənin,
Can almaq günahdı barış onunla,
Əgər varsa səndən incik düşənin,
Könlünü alaraq danış onunla.

Varsada qəlbində dərdin, nisgilin,
Səndən də dərdliyə bax şükür eylə.
Hər dərdin dərmanı vardır siz bilin,
Yaxşılıq edərək pak ömür eylə.

Varsada inamın xoşbəxt sabaha,
Qəm yemə çətinlik gəldi gedərdi.
Varsa istedadın əl aç Allaha,
İnsançün qalanlar boşdu, hədərdi.