Naxçıvan Universiteti bağlanır?

Naxçıvan Universiteti bağlanır?

Naxçıvan Universitetinin fəaliyyəti dayandırılır.

Ens.az Qafqazinfo.az-a istinadən xəbər verir ki, 1999-cu ildə Ədliyyə Nazirliyində dövlət qeydiyyatına alınaraq ali təhsil müəssisəsi kimi fəaliyyətə başlamış Naxçıvan Universitetinin lisenziyası gələn ilin yanvar ayından dayandırılacaq.

Buna səbəb Naxçıvan Təhsil Nazirliyinin universitetdə keçirdiyi yoxlama zamanı ciddi pozuntuların aşkarlanması olub. Artıq Naxçıvan Universitetinin bütün kollektivinə də universitetin fəaliyyətinin dayandırılması ilə bağlı xəbərdarlıqlar edilib. 

Məsələni dəqiqləşdirmək üçün Naxçıvan Universiteti ilə əlaqə saxladıq.

Universitetin rektor köməkçisi Vüqar Ələkbərov “Qafqazinfo”ya açıqlamasında məlumatın həqiqətə uyğun olmadığını bildirdi:

“Universitetin bağlanması ilə bağlı yayılan məlumatlar həqiqəti əks etdirmir. Bununla bağlı rəsmi qurum tərəfindən bizə hər hansı məlumat, sənəd daxil olmayıb”.