Nazir müavini: "Nəsiminin 650 illiyi ilə əlaqədar bir gündə 650 min ağac əkiləcək"

"Noyabr ayının sonunda Birinci vitse-prezident Mehriban Əliyevanın təşəbbüsü ilə 650 min ağac əkiləcək".

APA-nın məlumatına görə, bunu "Caspian Ecology" sərgisinə həsr olunmuş mətbuat konfransında Ekologiya və Təbii Sərvətlər nazirinin müavini Rauf Hacıyev deyib. Onun sözlərinə görə, ağacəkmə aksiyası "Nəsimi ili" çərçivəsində həyata keçirilir:

"Nəsiminin 650 illiyi ilə əlaqədar ölkə ərazisində bir gündə 650 min ağac əkiləcək".

Nazir müavini hər kəsi bu aksiyaya qoşulmağa dəvət edib.