Niyə indiki dövrdə dizaynerlər bu qədər mütərəqqi düşünmürlər?

Ötən əsrin 50-ci illərində müasir dizaynı olan bir çox konseptual model mövcud idi. Lakin 1956-cı ildə Richard Arbib Co. Inc şirkəti tərəfindən kosmik dizaynı olan çox qeyri-adi bir avtomobil təqdim edildi.

Astra-Gnome cəmi 4 ay ərzində yaradıldı. Əsası "Nash Metropolitan" avtomobili idi. Gövdəsi Nyu-Yorkdan olan "Mazzara" atelyesində hazırlanmışdır. Baza modeli ilə müqayisədə prototipin ölçüsü 1/4 artdı, çəkisi isə cəmi 900 kiloqram idi. Adi öyrəşdiyimiz dam əvəzinə qatlanan şəffaf bir günbəz var idi. Belə forma elə belə seçilməmişdir, radiodan ən keyfiyyətli səs almaq və sərinləşdiricinin daha effektiv işləməsi üçün seçilmişdir.

Kiçik ölçülü olmasına baxmayaraq, uzunluğu 4 metrdən bir az çox idi, avtomobil olduqca geniş idi, hətta yük yeri də. Bu prototip sadəcə şou avtomobili idi və kütləvi istehsal üçün nəzərdə tutulmadı.

Bu prototip, qeyri-adi dizaynı ilə diqqəti cəlb etmək üçün heç bir üsluba aid deyildi, o illərin bir çox avtomobil istehsalçılarının meyl etdiyi aviasiya tərzini təqlid etməmək üçün hazırlanmışdır.
Astra-Gnome-nin yaranması, gələcəyin avtomobil sənayesinə başqa bir qeyri-standart baxış idi, başqa sözlə, inkişaf etmiş düşüncə məhsuludur.

Richard Arbib Co. Inc şirkəti, müxtəlif sahələrin dizaynında ixtisaslaşmışdır. Bir neçə il sərgilərdə nümayiş etdirdikdən sonra avtomobil tədricən unuduldu və anbarlarda qaldı və yalnız 1980-ci ildə Metropolitan muzeyi onu aldı, bu gün onu həmin muzeydə görə bilərsiniz.

Mənbə: AVTO KLUB AZƏRBAYCAN