Paşinyan: "Sülh müqaviləsinin imzalanmasının 2031-ci ilə qədər təxirə salınması bizim planlarımızda yoxdur"

"Sülh müqaviləsinin imzalanmasının 2031-ci ilə qədər təxirə salınması bizim planlarımızda yoxdur".

Oxu.Az Ermənistan mətbuatına istinadən xəbər verir ki, bu barədə baş nazir Nikol Paşinyan hökumətin iclası zamanı çıxış edərkən bildirib.

"Qarşımızda duran əsas məqsəd sülh sazişini ən qısa müddətdə imzalamaqdır. Bu prosesin 2031-ci, hətta 2029-cu ilə qədər uzadılması nəzərdə tutulmur. Lakin bu, müəyyən qədər vaxt tələb edən bir prosesdir", - deyə o qeyd edib.

Bundan əlavə, Ermənistanın xarici işlər naziri Ararat Mirzoyan da hökumətin iclasında qeyd edib ki, sülh sazişinin tezliklə imzalanması hökumətin siyasi öhdəliyidir.

"Biz sözügedən sənədin imzalanaraq təsdiqlənməsini arzulayırıq. Səbəb isə odur ki, kommunikasiyalar yalnız iqtisadi əhəmiyyət daşımır, həmçinin sülhün gücləndirilməsi missiyasını yerinə yetirir", - deyə o əlavə edib.