“Qarabağ münaqişəsi Ermənistanın inkişafına mane olmur...”

“Qarabağ münaqişəsi Ermənistanın inkişafına mane olmur...”

“İşğalçı ölkəni daha çox arxayın salan  və qidalandıran Azərbaycandakı ermənipərəst korrupsioner şəbəkədir...”

“Qarabağ münaqişəsinə cəlb edilməsi Ermənistanın inteqrasiya layihələrində iştirakına və ölkənin beynəlxalq əməkdaşlıq platformasına çevrilməsinə mane olmur”. 

 

Moderator.az xəbər verir ki, bu gözlənilməz fikri Ermənistan prezidenti Armen Sarkisyan cümə axşamı Almatıda başlayan 16-cı Avrasiya Media Forumunda səsləndirib.  Avrasiya Media Forumu "De-qloballaşma: dünya yeni inkişaf modelləri axtarışında" şüarı altında keçirilir. 

 

Sarkisyan bildirib ki, Qarabağla bağlı danışıqlar prosesi ən yüksək səviyyədə: Ermənistanın Baş naziri və Azərbaycan prezidenti arasında aparılır. O qeyd edib ki, bu münaqişənin mövcudluğu Ermənistanın beynəlxalq layihələrdə iştirakına  mane olmur. Misal olaraq işğalçı ölkə prezidenti Ermənistanın İpək Yolu layihəsinə maraq göstərməsi və həmçinin, Çin tərəfi ilə danışıqlar barədə məlumat verib.

 

P.S. Əlbəttə, mane olmaz: Ermənistana Rusiya dəstək verir, ABŞ, Avropa dəstək verir, İran dəstək verir, bir sıra ərəb ölkələri dəstək verir. Və ən başlıcası, Azərbaycandakı ermənipərəst korrupsioner şəbəkə... Bu şəbəkə Azərbaycanın inkişafına hərtərəfli zərbə vurmaqla dolayısıyla, bəlkə də birbaşa  işğalçı ölkəni qidalandırır və arxayın salır...