Rusiya kimi bizim də haqqımız var - Paşinyan

Rusiya ilə münasibətlərdə komplekslərdən azad olmaq lazımdır.

Axar.az xəbər verir ki, bunu Fransanın “Nouvelle d'Arménie” jurnalına müsahibəsində Ermənistan Baş naziri Nikol Paşinyan deyib.

Onun sözlərinə görə, Ermənistan və Rusiya suveren tərəfdaşlardır və Moskvanın şübhə etməyə haqqı olduğu kimi İrəvanın da analoji haqları var. O, ikitərəfli münasibətlərin daimi inkişaf yolu keçməli olduğunu bildirib.

Paşinyan, həmçinin, İrəvanın Rusiya ilə xoş münasibətlərinin Avropa dəyərlərinə zidd olmadığını deyib:

“Bugünkü Rusiya I Pyotrun Rusiyası, onun dəyərlərinin daşıyıcısıdır, ya yox? Əgər cavab "bəli"dirsə, Rusiya və Avropa dəyərləri arasında heç bir ziddiyyət yoxdur”.