Rusiya: Milli və şəbəkədaxili rouminq xidməti ləğv olundu

Rusiyada bu gündən etibarən şəbəkədaxili və milli rouminq xidmətləri ləğv olunur.

Baş nazir Dmitri Medvedevin imzaladığı müvafiq qərar 1 iyun tarixindən etibarən qüvvəyə minib.

Sənədə əsasən, abonentin yerləşdiyi bölgə xidmətin qiymətinə təsir göstərməyəcək.

Yeni qərar ölkə kənarında rouminq qaydalarına şamil edilmir.

2017-ci ildə Rusiyanın antiinhisar xidməti rabitə operatorlarından rouminq ödənişlərinin ləğvini tələb etmişdi.