Rusiyanın Türkiyə ilə bağlı viza planı

Rusiya bəzi kateqoriyalar üzrə türk vətəndaşlarına viza verilməsi prosesini sadələşdirməyə hazırlaşır.

“Qafqazinfo” “Hürriyet”ə istinadən xəbər verir ki, bu barədə Rusiya Xarici İşlər Nazirliyinin yazılı bəyanatında deyilir. Bəyanatda xarici işlər naziri Sergey Lavrovun 13-14 avqust tarixlərində edəcəyi Türkiyə ziyarətinə də toxunulub:

“Hər iki ölkənin xüsusi istintaq orqanları və müdafiə nazirlikləri ilə yanaşı, Lavrovla Türkiyənin xarici işlər naziri Mövlud Çavuşoğlu arasında münasibətlər Suriyada atəşkəsin qorunması və ölkədəki böhranın həlli müddətində mühüm rol oynayır”.