Şəhid Araz Seyfullayevin anım günüdür

Bu gün şəhid Araz Seyfullayevin anım günüdür.

Ens.az Qafqazinfo.az-a istinadən xəbər verir ki, Araz Elsevər oğlu Seyfullayev Vətən müharibəsində Füzuli və Cəbrayıl rayonları uğrunda gedən döyüşlərdə iştirak edərək şəhidlik zirvəsinə ucalıb.

Şəhidin nəşi 2020-ci ilin oktyabrın 8-i doğulduğu Masallı şəhər Digah qəbiristanlığında izdihamla torpağa tapşırılıb.

Qeyd edək ki, A. Seyfullayev 28 may 2001-ci ildə Masallı şəhərində anadan olub. 2007-ci ildə Masallı şəhər 4 nömrəli tam orta məktəbin birinci sinfinə gedib.

2019-cu ilin iyul ayında çağırışçı kimi hərbi xidmətə yollanıb. Hərbi xidmətini Azərbaycan Silahlı Qüvvələrinin Göytəpə şəhərinin “N” saylı hərbi hissəsində davam etdirib və 2019-cu ilin oktyabr ayının əvvəlindən Xüsusi Təyinatlı Qüvvələrə qatılıb.

Araz Seyfullayev ölümündən sonra “Vətən uğrunda”, “Cəsur döyüşçü”, “Füzulinin azad olunmasına görə” medalları və “Azərbaycan Bayrağı” ordeni ilə təltif edilib.