Sinif yoldaşları oğlunu alçatdığı üçün qadın bu yola əl atdı

Sinif yoldaşları oğlunu alçatdığı üçün qadın bu yola əl atdı

Sinif yoldaşları 7-ci sinif şagirdi olan oğlunu çömçə qulaq adlandırdığı üçün anası maraqlı üsula əl atıb. 

 

Moderator.az xəbər verir ki, hadisə ABŞ-da baş verib. Heç bir ana və ya ata övladının çətinlik çəkdiyini heç vaxt istəməz. Kallie Berger də o analardan biridir. Oğlu Qaqenin qulaqlarında anadangəlmə qüsur olduğu üçün sinif yoldaşları onu daim "çömçəqulaq" adlandıraraq alçatlmağa başlayıblar. Kallie və həyat yoldaşı Tim məsələni müəllimlərə bildirsələr də, heç bir nəticəsi olmayıb. Sinif yoldaşları yenidən eyni şeyi Qaqeyə qarşı təkrarlamağa başlayıblar.

 

Artıq məktəbə getmək istəməyən Qaqe hər gün güzgüdə özünə baxaraq nə qədər çirkin olduğunu düşünüb. Öz aralarında məsləhətləşən valideynlər qərara gəliblər ki, nəyin bahasına olur-olsun uşağın qulağını əməliyyat etsinlər. Plastik cərrah Steven Mobley Qaqenin qulaqlarını əməliyyat edərək normal vəziyyətə gətirməyə nail olub. Bundan sonra güzgüdə özünə baxan Qaqe gözlərinə inanmayıb və artıq sinif yoldaşlarını da bu iyrənc zarafatlarından əl çəkməyə məcbur edə bilib...

 

Vasif Əlihüseyn