Tacikistanda 1,5 kiloqram ağırlığında meteorit parçası tapılıb

Tacikistanda 1,5 kiloqram ağırlığında meteorit parçası tapılıb

Tacikistanın Xocaobiqarm çayının mənbəyində - Arça-Mazar pirinə gedən yolda 1,5 kiloqram ağırlığında meteorit parçası tapılıb.

AZƏRTAC xəbər verir ki, Rusiya-Tacikistan Slavyan Universitetinin müəllimi jurnalistlərə açıqlamasında meteoritin bu hissəsini turizm marşrutu üzrə səyahətdə olan bir qrup tələbənin təsadüfən tapdığını deyib. Qara rəngdə olan daş bəzən göy rəngə çalır, üzərində barmaq izlərinə bənzəyən paslanmış dəliklər var.

Daşın həcmi 340 kubsantimetr, çəkisi 1440 qramdır. Mütəxəssislərin fikrincə, bu dəmir-daş meteoritidir.